Jušto je mesec dan pasalo od početka do kraja ovoletnjega pusta. I po navade, na ovaj pusni utorak, Črešnjice i Tičići su presudili pustu Smećirku 67 i zadnji put ovega leta maškarani zatancali.
Va oveh mesec dan sakega smo se petka veselili, zabavjali i munjesali pod maskami, a pohodili su nas i dragi nan gosti pa smo tako poćakulali i zatancali z meštricun i krajicun Halubajskega karnevala, Mićun Majun i Julijom Cetina, Ćićkin zgončarima i Kunpanijun z Halubja. Zasopli su nan i muzikanti od Rukavačkeh zvončari, a najviše smo se naveselili našen Halubajsken zvončaron ki su, tirajuć zimu i grdo vreme, jako zazvonili.
Na pusni utorak smo presudili našen Smećirku i počastili se supicami- tradicionalnun pusnun slasticun.
I sada ćemo pospravit naše maski i maškari. Do drugega leta.
