Ovega smo se utorka, onako maškarani, ćapali velega dela: uz našu dragu tetu Sekanu i Tičići i Črešnjice okušali su se va spravjanju PRESNACA, tradicionalnega pusnega kolača ovega kraja. Mesili smo, gulili, ribali, kuhali, … mirisi garofulca, kaneli, lemuncina i cukara zadišeli su celi vrtić.
A onda smo presudili i našemu pustu Svadljiću i semu grdemu i lošemu te prizvali lepši i tepleji dani, a maškare pospravili do drugega leta.
