Va vrtiće čuda tega vadimo pa tako i kako povedat po domaću. Rafaelova mama Ivana parićala nan je radionicu “Ča je ča”. Najprvo nan je pročitala Legendu o Bradonji i Nogonji i štoriju od klepetajnice, a onda nan je parićala kviz: Črešnjice i Tičići natjecali su se ki će znat prepoznat više besed na čakavsken. I moremo van reć da nan je dobro šlo, a finilo je na blizu: za Črešnjice 21 punat, a za Tičići 19.
Velo fala mame Ivane na druženju i kvizu i na temu ča nas je neč novega navadila – baš smo se zabavili.
A onda nas je posjetila naša draga teta Sekana i povedala nan štorijice z njezinega djetinjstva. Bilo nan je lepo i teplo okol srca poslušat od medota kega je skoro zgubila, o snegu kega je čuda napadalo jene zime kao i o temu kako se j’ i
z čen kitil maj (bor) onputa kad je ona bila mića. Uz obećanje da će nan još ki put prit ča povedet, zahvalili smo joj se i poželeli sretni blagdani.
